ଗାୟକଶ୍ରୀ ଦାମୋଦର ଦାଶ
ବାରିକପୁର ବଜାର, ଭଦ୍ରକ
ଦୟାକର ମହାମାୟା, ଦୀନହୀନ ଜନେ ସଦା
ଦୁଃଖ ଦୁରିତ ନାଶିନୀ, ଦୟାମୟୀ ଗୋ ବରଦା ||O||
ଦୁର୍ଦ୍ଦଣ୍ଡ ଦୈତ୍ୟନାଶିନୀ, ଦିବ୍ୟଜ୍ଞାନ ପ୍ରକାଶିନୀ (ଗୋ )
ଜାଡ୍ୟାନ୍ଧକାର ଧ୍ବଂସିନୀ, ସିଂହବାହିନୀ ଶାରଦା ||୧||
ଦିବ୍ୟତେଜ ସମୁଦ୍ଭୁତା, ଦିଗପାଳ ଆରାଧିତା ( ଗୋ )
ବିଶେଷ ବୀର୍ଯ୍ୟଶାଳିନୀ, ବାକ୍ୟଦେବୀ ଗୋ ବରଦା ||୨||
ଗାୟକଶ୍ରୀ ଦାମୋଦର ଦାଶ
ବାରିକପୁର ବଜାର, ଭଦ୍ରକ
ଠୋ ଠା ଠି ନବ ଗଇଁଠା
ହଳଦୀ ପତର ଏଣ୍ଡୁରି ପିଠା
ଆହା କି ମିଠା
ବେଣ୍ଟ ନିରାମିଷ ଚଟୁ ଅଇଁଠା |୧|
ତାକ୍ ଧିନାଧିନି ନାଧିନି ଧିନା
ଶୋଳକ ପଢୁଛି ନିଧିଆନନା
ପଛକୁ ଅନା
ଚାଲୁଣି ଗଣୁଛି ଡ଼ାମ୍ଫଣ କଣା |୨|
କାନ କୁହା କବି ଗାଉଛି ଗୀତ
ରାଧା ନାନୀ ନାଚ ଦେଏଖେ ମିତ
ଧରିଛି ବେତ
ଜଟିଳା ମାଷ୍ଟ୍ରାଣୀ ମାରିବ ନାତ |୩|
ଚାଟୁକ୍ତି
କ୍ରମାନ୍ୱୟେ++ଙ୍କ, ଙ୍ଖ, ଙ୍ଗ, ଙ୍ଘ++ *ଅକ୍ଷର ନିୟମେ*
କବି: ଗାୟକ ବିଦ୍ୟାଭୂଷଣ ରମାକାନ୍ତ ମିଶ୍ରଶର୍ମ୍ମା, ଜଟଣୀ
ବାଙ୍କନେତ୍ରୀ ଛଇଳି !
ମୁଁ ତ ଶଙ୍କରାରିବାଣେ ଗଲି ସରିରେ
କିଙ୍କର ପରି ତୋ ଚରଣ ପଙ୍କଜେ
ଖଟୁଛି ନିଶଙ୍କ କର ଗୋରୀରେ ।୦।
ଚକାଡୋଳା ମୋ ଦୁଃଖ କାଟିପକାହେ.. ବୃତ୍ତେ
କବି: ଗାୟକ ବିଦ୍ୟାଭୂଷଣ ରମାକାନ୍ତ ମିଶ୍ରଶର୍ମ୍ମା, ଜଟଣୀ
ବନଧରକେଶୀ ମୋ ଜୀବଜୀବନ,
ବନ ମଣୁଥିବ ମୋ ବିନା ଭବନ ।
ବନଜ ନେତ୍ରରୁ ଢ଼ାଳି ନିରତେ ବନ,
ବନମୃଗୀଦୃଶା କରୁଥିବ ଭାବନ ।
କବି: ଗାୟକ ବିଦ୍ୟାଭୂଷଣ ରମାକାନ୍ତ ମିଶ୍ରଶର୍ମ୍ମା, ଜଟଣୀ
ରସିକେ ବାରେ ଶୁଣ,
ବାଳାଠାରେ ଅଛି ଚୋରଣୀ ଗୁଣ ।
ମୀନ ଖଞ୍ଜନକୁ ନୟନେ ରଖିଛି
ଅଧରେ ମନ୍ଦାର ରାଗକୁ ପୁଣ ।।୦।।
"ଜ"ବର୍ଣ୍ଣ ଅନୁପ୍ରାସ ନିୟମେ
କବି: ଗାୟକ ପୁରାଣଭୂଷଣ
ଶ୍ରୀ ଶରତ ଚନ୍ଦ୍ର ଦାଶ
ରଇଁଶୋଲ,ପିପିଲି, ପୁରୀ,୭୫୨୧୦୪
ଯୋଗାଯୋଗ: ୯୮୬୧୪୭୦୫୦୫
୮୭୬୩୩୩୧୦୩୭
ଜଗତୀରେ ତୀର୍ଥସ୍ଥାନେ ଯାଉଛୁ ଜ୍ଞାନୀ
ଜଙ୍ଗମେଖୋଜୁଛୁ ମନେ ଜପ୍ୟପ୍ରଧାନୀ ।।୦।।
ଜପ ଜନକ ଜନନୀ,
ଜାତ କରିଲେ ଅବନୀ ।
ଜଠରେ ରଖି ଯତନେ,
ଯାତନା ଘେନି ।।୧।।
ଜଗୁଆଳହୋଇ ତୋର,
ଜଗିଲେ ସଦା ଶରୀର ।
ଜାଣି ଅଶନ ବସନେ,
ଜବସାଧନୀ ।।୨।।
ଗାୟକ'ଶ୍ରୀ' ଦାମୋଦର ଦାଶ
ବାରିକପୁର ବଜାର, ଭଦ୍ରକ
ହେ ମହାନ ସତ୍ୟସନ୍ଧ ସାଧକ ପ୍ରବର
ଜାଡ୍ୟଧ୍ବଂସୀ ଆର୍ଯ୍ୟକୁଳ ସୂର୍ଯ୍ୟ ସମପ୍ରଭ,
ମୃତ୍ୟୁଞ୍ଜୟ ଆତ୍ମାନନ୍ଦ ପ୍ରବକ୍ତା ପ୍ରଜ୍ଞାର
ଚିନ୍ମୟ ଚିନ୍ତନ ସତ୍ୟଜ୍ଞାନ ସମୁଭବ ||୧||
ଗାୟକଶ୍ରୀ ଦାମୋଦର ଦାଶ
ବାରିକପୁର ବଜାର, ଭଦ୍ରକ
ଏଣୀନୟନା ତୁ ଚାହାଁ ଏଣିକି ରେ,
ଏଣୀନୟନା ବାରେ ଚାହାଁ ଏଣିକି ||0||
ବୀଣାଜିଣା ବଚନା, କିଣାଜନେ ବିମନା
କି ବୋଲିବେ ଲୋକେ ଶୁଣିକି ||୧||
ଜଣା ଏ ଜଗତରେ, ଗଣା ସୁଲକ୍ଷଣା ରେ
ଶୁଣାତୋ ଛଣାସୁଧା ବାଣୀକି ||୨||
ଅଣାୟତ ମୋ ଚିତ୍ତ, ବଣା କଲା ବୁଦ୍ଧିତ
ଖଣାରେ ନ ପକାଅ ଆଣିକି ||୩ ||
ଗାୟକ'ଶ୍ରୀ' ଦାମୋଦର ଦାଶ
ବାରିକପୁର ବଜାର, ଭଦ୍ରକ
ସତ କହିବାକୁ ମନା,
ଏଠି ମିଛର ଉଡୁଛି ବାନା
କୁକୁର ପିନ୍ଧୁଛି ସୁନା,
ଏଠି ଗାଈ ମୁହେଁ ନାହିଁ ଦାନା ||
ପିଲାଙ୍କ ହାତରେ ବେତ,
ଏଠି ମାଷ୍ଟର ଯୋଡୁଛି ହାତ
ଚାଷୀକି ନମିଳେ ଭାତ,
ଏଠି ଛୁଞ୍ଚି ମୁହଁ ତିନି କେନା ||୧||
ଭାଷଣବାଜିର ଦେଶ,
ଏଠି ଫୁଟାଣି ହେଉଛି ଚାଷ
ପୋକଶୁଙ୍ଘା ଦେହେ ବାସ,
ଏଠି ଗନ୍ଧଉଛି ମଲ୍ଲୀ, ହେନା ||୨||
ଗାୟକ'ଶ୍ରୀ' ଦାମୋଦର ଦାଶ
ବାରିକପୁର ବଜାର, ଭଦ୍ରକ
ତୁଳସୀ ଭୂଷଣ ମୋର ମଣିମା,
ସଂସାର ସାର ସୁଷମା
ସିଂହ ଦୁଆରରେ ଅଧିଆ ପଡିଛି
ଗରିବ ଗୁହାରୀ ଶୁଣିମା ||o||