ଗାୟକ ସାମନ୍ତ ପ୍ରଫୁଲ୍ଲ କୁମାର ଷଡଙ୍ଗୀ
ଆଜିର ଦିନରେ ପୂରାତନ ପାଲାର ଗରିମାକୁ ଯେଉଁ କେତେଜଣ ଗାୟକ ଧରି ରଖିଛନ୍ତି ସେମାନଙ୍କ ମଧ୍ୟରେ ଅନ୍ୟତମ ଗାୟକ ସାମନ୍ତ ପ୍ରଫୁଲ୍ଲ କୁମାର ଷଡଙ୍ଗୀ । ୧୯୪୪ ମସିହା ଅକ୍ଟୋବର ୩୦ ତାରିଖରେ ନୟାଗଡ ଜିଲ୍ଲା ଖଣ୍ଡପଡା ନୂଆଗାଁରେ ଏକ ବ୍ରାହ୍ମଣ ପରିବାରରେ ଜନ୍ମଗ୍ରହଣ କରିଥିଲେ ପ୍ରଫୁଲ୍ଲ ଷଡଙ୍ଗୀ । ବାପା ଚକ୍ରଧର ଷଡଙ୍ଗୀ ଓ ମାଆ ରାଧାମଣୀ । ପିଲାଟି ଦିନରୁ ପ୍ରଫୁଲ୍ଲଙ୍କର ପାଲା ପ୍ରତି ରହିଥିଲା ଅହେତୁକ ଆଗ୍ରହ । ଭବିଷ୍ୟତରେ ଜଣେ ପାଲା ଗାୟକ ହେବା ପାଇଁ ସେ ପିଲାଦିନରୁ ଉଦ୍ୟମ ଚଳାଇଥିଲେ ।
Nayagarh
2 Prafulla Sarangi
2 Ramakanta Mishra
ଗାୟକ ବିଦ୍ୟାଭୂଷଣ ରମାକାନ୍ତ ମିଶ୍ର
ପାଲା ଆକାଶର ଉଜ୍ୱଳତମ ନକ୍ଷତ୍ର ଗାୟକ ବିଦ୍ୟାଭୂଷଣ ପଣ୍ଡିତ ରମାକାନ୍ତ ମିଶ୍ର । ୧୯୫୭ ମସିହା ଡିସେମ୍ବର ୧୭ ତାରିଖରେ ନୟାଗଡ ଜିଲ୍ଲା ଓଡଗାଁ ବ୍ଲକ ଅଖାରିଆ ଗ୍ରାମରେ ରମାକାନ୍ତ ଜନ୍ମ ଗ୍ରହଣ କରିଥିଲେ । ବାପା ହରେକୃଷ୍ଣ ମିଶ୍ର ଏବଂ ମାଆ ରତ୍ନମଣି ଦେବୀଙ୍କର ୩ ପୁଅ ଏବଂ ୪ ଝିଅଙ୍କ ମଧ୍ୟରେ ରମାକାନ୍ତ ପଞ୍ଚମ ସନ୍ତାନ । ବାପା ପୁରୋହିତ କର୍ମ କରିବା ସହ ଜଣେ ପ୍ରସିଦ୍ଧ ଜ୍ୟୋତିର୍ବିତ ଥିଲେ । ଘରେ ସାହିତ୍ୟ ସଙ୍ଗୀତର ଚର୍ଚ୍ଚା ହୁଏ, ଯାହାର ପ୍ରଭାବ ପିଲାଟି ଦିନରୁ ପଡିଥିଲା ରମାକାନ୍ତଙ୍କ ଉପରେ । ବାପାଙ୍କଠାରୁ ସେ ବିଭିନ୍ନ ଶ୍ଲୋକ, ଛାନ୍ଦ, ଜଣାଣ, ଭଜନ ଆଦି ଶିଖିଥିଲେ ।
1D Bishwanath Pattajoshi
ଗାୟକ ସମ୍ରାଟ୍
ବିଶ୍ଵନାଥ ପଟ୍ଟଯୋଷୀ
ପାଲା ଜଗତର ସମୁଜ୍ଜ୍ୱଳ ପ୍ରତିଭା ଗାୟକ ସମ୍ରାଟ୍ ବିଶ୍ଵନାଥ ପଟ୍ଟଯୋଷୀ । ଅସାଧାରଣା ପ୍ରଜ୍ଞା, ପ୍ରଚଣ୍ଡ ପ୍ରତିଭା, ଉଭୟ ଓଡିଆ ଏବଂ ସଂସ୍କୃତ ସାହିତ୍ୟରେ ସେ ଥିଲେ ଧୂରୀଣ । ବର୍ତ୍ତମାନର ନୟାଗଡ ଜିଲ୍ଲା ରମାବିଲ ଗ୍ରାମରେ ୧୯୦୮ ମସିହା ଡିସେମ୍ବର ୨୦ ତାରିଖ ବକୁଳ ଅମାବାସ୍ୟା ଦିନ ସେ ଜନ୍ମଗ୍ରହଣ କରିଥିଲେ । ବାପା ରାଘବ ଦାଶ ଏବଂ ମାଆ ବାଉରୀ ଦେବୀ । ଚାଟଶାଳୀରେ ମାତ୍ର ପଞ୍ଚମ ଶ୍ରେଣୀ ଯାଏଁ ପାଠ ପଢିବା ପରେ ପାଲା ଗାଇବାକୁ ଇଛା କଲେ । ମାତ୍ର ୧୩ ବର୍ଷ ବୟସରେ ବିଶ୍ଵନାଥ ପାଲା ଗାଇବା ଆରମ୍ଭ କଲେ । ସେହି ବର୍ଷ ସେ ପୁରୀରେ ପ୍ରଥମ ବାଦୀପାଲା ମଧ୍ୟ ଗାଇଥିଲେ ।