ଆଦ୍ୟ ଅକ୍ଷର"ବ"ନିୟମେ
'ସଜନୀରେ ଶୁଭିଲାଣି ଖୋଳ କୀର୍ତ୍ତନ' ଵୃତ୍ତେ
କବି: ଗାୟକ ବିଦ୍ୟାଭୂଷଣ ରମାକାନ୍ତ ମିଶ୍ରଶର୍ମ୍ମା
ବିଶ୍ଵପତି ପଦକଞ୍ଜ, ଭଜ ମନୁଆଁ
ବିଷୟାରେ ପଡିହେଉ
ଛନ ଛନିଆଁ ।।୦।।
ବିକର୍ତ୍ତନସୁତ ଦିନେ,
ବାନ୍ଧିନେବ ତା ସଦନେ ।
ବିବିଧ ଯାତନା ଦେବ,
ହେବୁ ଛାନିଆଁ ।।୧।।
ବିଲୋକି ସୁତ ସମ୍ପଦ,
ବହୁଅଛୁ ମନେ ମଦ ।
ବିମ୍ବାଧରୀ ନାରୀ ରୂପ,
ଜଳନ୍ତା ନିଆଁ ।।୨।।
ବିଷକୁ ମଣି ପୀୟୂଷ,
ଲେଶକୁ ମଣି ବିଶେଷ ।
ବିବେକ ହୁଡ଼ି ହେଉଛୁ,
ଅଭିମାନିଆଁ ।।୩।।
ବିଭାବନା କରହରି,
ସଂସାରୁ କରିବେ ପାରି ।
ବିରଚଇ ପଦ ରମା,
ହିନିମାନିଆଁ ।।୪।।
କେତେକ ଶବ୍ଦର ଅର୍ଥ:
ବିକର୍ତ୍ତନସୁତ=ସୂର୍ଯ୍ୟପୁତ୍ର "ଯମ" ।।
ପୀୟୂଷ=ଅମୃତ ।। ଲେଶ=ଅଳ୍ପ ।।