"ଶ୍ରୀଶରତ"ନିଜ ନାମାକ୍ଷର ଆଦ୍ୟକ୍ଷର ନିୟମେ
କବି: ଗାୟକ ପୁରାଣ ଭୂଷଣ ଶରତ ଚନ୍ଦ୍ର ଦାଶ
ରଇଁଶୋଲ, ପିପିଲି, ପୁରୀ, ୭୫୨୧୦୪
ଯୋଗାଯୋଗ= ୯୮୬୧୪୭୦୫୦୫
୮୭୬୩୩୩୧୦୩୭
ଲେଖା ସମୟ= ୨୫/୧୨/୧୯୮୬
ଶ୍ରୀକାନ୍ତ ରହିବି ତୋର,
ପାଶରେ ହୋଇ କିଙ୍କର ।
ଶ୍ରୀପଦ ସେବିବି ସଦା,
ଏ ଭାଗ୍ୟ ହୋଇବ କାର ।।୦।।
ଶୁଦ୍ଧ ସୁଧାମୟ ପଦ,
ସେବା ଇଛା ହେଉ ରଦ ।
ଶମ୍ଭୁ ସ୍ରଷ୍ଟା ସୁରନାଥ,
ଅଧୀରେ ଚିତ୍ତେ ବିକାର ।।୧।।
ରମଣୀୟ ଶ୍ରୀଚରଣେ
ଗଙ୍ଗାମାତା ନଖକୋଣେ
ରହିବାରୁ ପୂତଦେହା
ଅପରେ କରେ ନିସ୍ତାର।।୨।।
ତପନ ପତ୍ନୀ ନୀରଜ,
ତାନାମ ସଙ୍ଗରୁ ଓଜ ।
ତହିଁ ଭ୍ରମି ଜ୍ୟୋତିଶ୍ଚକ୍ର,
ରଖନ୍ତି ସମେ ସଂସାର ।।୩।।
ଶ୍ରୀଶରତ ଆଦ୍ୟେରଖି
ଗୀତେ ସ୍ତବ କରେ ଲେଖି ।
ଶ୍ରୀଧର ଶ୍ରୀ ବରଷିବ,
ତାରିବ ଜୀବନାଧାର ! ।।୪।।
କେତେକ ଶବ୍ଦର ଅର୍ଥ :
କିଙ୍କର=ଚାକର, ସେବକ ।।
ଶୁଦ୍ଧ=ଅତିପବିତ୍ର, ନିର୍ମଳ, ସ୍ଵଚ୍ଛ ।।
ସୁଧାମୟ=ଅମୃତମୟ ।।
ବିକାର=ଅସ୍ବାଭାବିକ ଗୁଣ ।।
ଓଜ=ଓଜନ, ତେଜ,ଦୀପ୍ତି, ଗାମ୍ଭୀର୍ଯ୍ୟ। ଶ୍ରୀ=ସୌଭାଗ୍ୟ ।।
ଜୀବନାଧାର != ଜୀବନର ଆଧାର ସ୍ଵୟଂ ଭଗବାନ ।।