ଗାୟକ ଶ୍ରୀ ଦାମୋଦର ଦାଶ
ରସବତୀରେ ରଖ ରଖ ଏ ଜୀବ
ରସିକା ରତନ ରାସେ ନ ରସିଲେ
ବରଜିବ ପିଣ୍ଡ ନିଶ୍ଚେ ମୋ ଜୀବ ।।୧।।
ରମଣୀ ମଣି ତୋ ଗୁଣ ଗୁଣିଗୁଣି
ଯାଉଁ ଦୟା କଲେ କି ସଦାଶିବ,
ସଦା ତୋ ସେବକ, କରି ମୋତେ ରଖ
ସେବୁଥିବି ଥିବା ଯାକେ ଏ ଜୀବ ।।୨।।
ଜୀବଞ୍ଜୀବ ହୋଇ ଏ ଜୀବ,
ଚନ୍ଦ୍ର ମୁଖୁ ସୁଧା ପିଇବ
ସତେ ତୋ ସୁତନୁ ତନୁରେ ମିଶିବ
ଅତନୁ କଷଣ ରାଜି ଭାଜିବ ।।୩।।
ଗାୟକ 'ଶ୍ରୀ' ଦାମୋଦର ଦାଶ
ଧରା ଧରି ତେଲାତେଲି କରି ମୁଁ ପାଇଛି ପୁରସ୍କାର
ଉପାଧି ଉପରେ ଉପାଧି ଆସି, ପଡୁଛି ଦୁର ଦାର ।।୦।।
ଆଖପାଖରେ ଯେତେକ ସଭା, ସବୁଠି ଆଗ ହୁଏ ମୁଁ ଉଭା
ସବୁ ଫଟୋରେ ଚେହେରା ମୋର, ଦିଶୁଛି ପରିଷ୍କାର ।।୧।।
ସବୁ ସଭାରେ ମୁଁ ସଭାପତି, ଭାଷଣ ମୋର ବହଳ ଅତି
ସବୁ ଖବରକାଗଜେ ବସେ, ସେଇ ସମ୍ବାଦ ମୋର ।।୨।।
ଚେଲା ଚାମଣ୍ଡା କରିଛି କେତେ, ପଦବୀ ବାଣ୍ଟେ ଯାହାକୁ ଯେତେ
କିଏ ବା କ'ଣ କହୁଛି ମୋତେ, କରେନା କିଛି ଖାତର ।।୩।।
ଗାୟକ ତପନ ଲକ୍ଷ୍ମଣ ଚରଣ ରାଉତ
ଯୋଡୁଛି କର ସଦଗୁରୁ ହୃଦୟେଶ୍ବର
ସ୍ମରିଶ୍ରୀ ପଦ୍ମ ପୟର ଜଣାଏ କୋଟି ଜୁହାର ।।୦।।
ଶିଷ୍ୟଭାବ ଅନୁସରି କାୟାସାଥେ ଛାୟା ପରି
ଥାଇ ସତତ ଆଶ୍ରିତ ଆରତ କର ସଂହାର ।।୧।।
ଗାୟକ 'ଶ୍ରୀ' ଦାମୋଦର ଦାଶ
ନବ ଯୁବତୀର ବାହୁ ବନ୍ଧନେ ଆମୋଦିତ ହେଲା ବେଳେ
ଭଗବାନ ତୁମେ ମନେ ତ ପଡ଼ନା ଜହ୍ନ ଧଉଳା ନିଶିଥରେ ।।୦।।
ବିଅର ବାରରେ, ଜୁଆ ଆଡଡାରେ, ଥିଲାବେଳେ ସାଙ୍ଗ ମେଳେ
ତୁମ କଥା କେବେ ସ୍ମରଣ ଆସେନା, ଯୌବନ-ଜଉ ଘରେ ।।୧।।
ମୁନାଫାଖୋର, ମହଜୁଦକାରୀର ଅପମିଶ୍ରଣ କାଳେ
କଳାଟଙ୍କାର ସୁନେଲି ସ୍ଵପ୍ନରେ ମସଗୁଲ ଥିଲାବେଳେ ।।୨।।
ଛଳ କପଟ ଓ ମିଥ୍ୟାଚାରର, ଜାଲ ବୁଣିଲା ବେଳେ
ଭଗବାନ କାହିଁ ମନେ ତ ଆସନା, ଥାଅ ତୁମେ କେଉଁଠାରେ ।।୩।।
ଗାୟକ ତପନ ଲକ୍ଷ୍ମଣ ଚରଣ ରାଉତ
ଜୟ ଜଗନ୍ନାଥ ଜୟ ପୂଣ୍ୟ ଶ୍ରୀକ୍ଷେତ୍ର ବିହାରୀ
କ୍ଷୟ କର ଭବଭୟ ପତିତ ପାବନକାରୀ l୦l
ଅର୍ଦ୍ଧହସ୍ତ ପାଦହୀନ ବିଚିତ୍ର ଗାତ୍ର ଗଠନ
ଏକରୁ ଚାରି ସ୍ଵରୂପ ଶୋଭା ଚତୁର୍ବଣ୍ଣଧାରୀ l୧l
ରଚନା- ଲକ୍ଷ୍ମୀଧର ପଣ୍ଡାଶର୍ମା
ଦୀନବାନ୍ଧବ, ଦୟାକରି ଦୃଷ୍ଟି ଦେବ କି
ଦରଖାସ୍ତ ମୋର ତୁମ୍ଭ ଦରବାର କେବେ ଦର ଦୂର ହେବକି ।୦।
ଦରକ୍ଷେତ୍ରେ ବସି ଦାରୁ ଦିଅଁ ହସି
ଦାରୁଣ ବିପଦ ଦେଉଅଛ ପେଷି
ଦେଖୁ ଦେଖୁ ଦଶା ଉଡାଉଛି ହଂସା ଦୁଃସହ ଦୁର୍ଦିନ ଯିବକି ।୧।
ଦଇବ ଦଣ୍ଡରେ କାତର ଦୁନିଆ
ଦକ ଦକ ହୃଦ ବିକଳେ ଛାନିଆ
ଦମ୍ଭ ଦର୍ପ ସବୁ ଦବିଲାଣି ପ୍ରଭୁ ଦଣ୍ଡକେ ଜୀବନ ନେବକି ।୨।
ଚଉପଦୀ
ଗାୟକ ତପନ ଲକ୍ଷ୍ମଣ ଚରଣ ରାଉତ
ଆସ ପାଶକୁ ରସବତୀ ମୋ କୋଳେ ବସ
ଭାସ ମଧୁର ଭାଷ ତୋଷ ମନ (ଘୋଷା)
ମନସୀଜ ଆକ୍ରୋଶ ରଖିଦେଉଛି ତ୍ରାସ
ଅବଶ କରେ ମାରି ପଞ୍ଚବାଣ ॥ ୧ ॥
ବାଣଜାଳୁଛି ଅଙ୍ଗ ଅଙ୍ଗନା ଅଙ୍ଗସଙ୍ଗ
ସଙ୍ଗର କରି ରଙ୍ଗ ରଙ୍ଗ ଅଧରାମଙ୍ଗ
ମଙ୍ଗଳ ପାଞ୍ଚି ଅଙ୍ଗ କରଦାନ ॥ ୨ ॥
ସରସ୍ଵତୀ ବର୍ଣ୍ଣନା
ଆଦ୍ୟ ପ୍ରାନ୍ତ "ସ"
ସଙ୍କଟ ସାଗରୁ ଉଦ୍ଧର ମା ଶରଣ ତବ ଚରଣ ସାରସ ।
ସହାୟ ନୋହିଲେ ନିର୍ଦ୍ଦୟ ହୋଇଲେ ଭାସିଯିବ ତବ ଦାସାନୁଦାସ ॥ (ଘୋଷା)
ରଚନା- ଲକ୍ଷ୍ମୀଧର ପଣ୍ଡାଶର୍ମା
କରଡାପଲ୍ଲୀ, କଳାପଥର, ବାଙ୍କୀ,କଟକ
ରାଜସ୍ଥାନ ପ୍ରଦେଶର ଜଣେ ଅନନ୍ୟା ନାରୀ ଭକ୍ତଙ୍କର ଜୀବନୀ ଉପରେ ଆଧାରିତ ଏକ କ୍ଷୁଦ୍ର କାବ୍ୟ "କର୍ମବତୀ"
ପ୍ରଥମ ସର୍ଗ
ରାଗ (ବଙ୍ଗଳାଶ୍ରୀ)
ଚୋର ଜଗନ୍ନାଥ
ଗାୟକ ତପନ ଲକ୍ଷ୍ମଣ ଚରଣ ରାଉତ
ଧରାପଡିଛି ଆଜି କଠାଚୋର ଏଠାରେ
ଆସି ନୀଳଗିରି ଦରୀରେ ଲୁଚିଛି ଏତେଦିନେ ମହୋଦଧି ପଠାରେ (ଘୋଷା)
ବ୍ରଜେ ପରଯୁବତୀ ମେଳେ କୁଞ୍ଜେରସି ରାସକଲ୍ଲୋଳେ
ଯମୁନାରେ ସ୍ନାନ କାଳରେ ବସନ ଚୋରାଇ କରିଛ ହଟହଟାରେ l୧l