ଜୁହାର ଶ୍ରୀଗୋପାଳ ବାଳଙ୍କୁ

ଜୁହାର ଶ୍ରୀଗୋପାଳ ବାଳଙ୍କୁ

କବି- ଗୋପାଳକୃଷ୍ଣ ପଟ୍ଟନାୟକ

ଶ୍ଲୋକ- ସଜଳଜଳଦନୀଳଂ ବଲ୍ଲବୀକେଳିଲୋଳଂ
ଶ୍ରିତସୁରତରୁମୂଳଂ ବିଦୁ୍ୟଦୁଲ୍ଲାସିଚେଳଂ
ନତସୁରମୁନିଜାଳଂ ସନ୍ମନୋବିମ୍ବଲୀଳଂ
ସୁରରିପୁକୁଳକାଳଂ ନୌମି ଗୋପାଳବାଳଂ 

ରାଗ- ପାନ୍ତୁବରାଡ଼ି 
ତାଳ- ରୂପକ

ଜୁହାର ଶ୍ରୀଗୋପାଳ ବାଳଙ୍କୁ ।   ସ୍ଥିର ତଡ଼ିତ ବୃନ୍ଦ
             ମଦ ବିଡ଼ମ୍ବ ପୀତଚେଳଙ୍କୁ  ପଦ

ସଲିଳ ସହିତ ଜଳଦନୀଳ ।   ପଶୁପୀନିବହ କେଳି ଲୋଳ
ସ୍ଥିତ ସୁମନସ ବିଟପୀ ମୂଳ ।     କୌଣପ କୁଳ କାଳଙ୍କୁ  (୧)

ନମ୍ର ସୁର ମୁନୀନ୍ଦ୍ର ଜାଳଙ୍କୁ  ।  ସାଧୁ ନିକର ହୃଦୟ ।
           ଆଦରଶ ସାକାର ଲୀଳାଙ୍କୁ

ବ୍ରଜପୁର ଯୁବରାଜ ଶ୍ରୀଳ  ।    ଅଖଣ୍ଡନ ନବ ଶିଖଣ୍ଡ ଚୂଳ
ପ୍ରତାପରୁଦ୍ର ହୃଦୟ କମଳ ।    ଅଳିଧୃତ ବଂଶୀ ନାଳଙ୍କୁ  (୨)