ବୀଣାପାଣି ବନ୍ଦନା (ଶରତ ଚନ୍ଦ୍ର ଦାଶ)

ବୀଣାପାଣି ବନ୍ଦନା
କବି: ଗାୟକ ପୁରାଣ ଭୂଷଣ
       ଶ୍ରୀ ଶରତ ଚନ୍ଦ୍ର ଦାଶ
ରଇଁଶୋଲ,ପିପିଲି, ପୁରୀ, ୭୫୨୧୦୪
ଯୋଗାଯୋଗ= ୯୮୬୧୪୭୦୫୦୫
                    ୮୭୬୩୩୩୧୦୩୭
ଲେଖାର ସମୟ= ୧୫/୦୫/୧୯୮୭

ଭଜମନ ବୀଣାପାଣିକି,
    ବାକ୍ୟ ପ୍ରଦାୟିନୀ ବିଷ୍ଣୁରାଣୀକି ।
ଅଜ୍ଞାନ ଅନ୍ଧାର    କରିଦେବେ ଦୂର  
 ଦେଖାଇବେ ଜ୍ଞାନାଲୋକଖଣିକି    ।୦।

ବିଦ୍ୟା ପ୍ରଦାନେ ତତପର,
     ଅକୁଣ୍ଠ ହୃଦୟ ଯାହାର ।
 ସମ୍ପଦ ଦାୟିନୀ ସାଗର ନନ୍ଦିନୀ
ସୌଭାଗ୍ୟଶାଳିନୀ ସପତଣୀକି      ।୧।

ବୁଧ, ଲେଖକ, କଳାକାର,
         ଅଧୀନ ଅଟନ୍ତି ଯାହାର ।
କବି କାଳିଦାସ    ପାଇ ଯା' ଆଶିଷ
ଚଳାଇଥିଲେ ସଦା ଲେଖନୀକି    ।୨।

କାଟ, ଥାଟ, ନାଟ,ଘୋଟରେ,
      ବାକ୍ୟ କୁହ ବସି କଣ୍ଠରେ ।
ସଳଖ ତରଣି    ବିଦ୍ୟାତରଙ୍ଗିଣୀ
ତରିବ ଶରତ ଯୋଡେ ପାଣିକି   ।୩।