ଶ୍ରୀଯୁକ୍ତ ଶ୍ରଦ୍ଧାନନ୍ଦ ମିଶ୍ର
ଆପଣଙ୍କ ସହଯୋଗ ପାଇଁ ବର୍ତ୍ତମାନ ସମୟର ପ୍ରତିଷ୍ଠିତ ଗାୟକମାନଙ୍କର ପାଲା ରେକର୍ଡିଂ ସହ ସେମାନଙ୍କର ଜୀବନୀ ପ୍ରସ୍ତୁତ କରିବାରେ ସକ୍ଷମ ହୋଇଛି ଶ୍ରୀ ଜଗନ୍ନାଥ ପାଲା ଗବେଷଣା ପ୍ରତିଷ୍ଠାନ । ଆପଣଙ୍କର ସଶ୍ରଦ୍ଧ 5 ଲକ୍ଷ ଟଙ୍କାର ସହାୟତା ରାଶି ଯୋଗୁଁ ରାଜ୍ୟର ସବୁଠାରୁ ବରିଷ୍ଠ ଏବଂ ପ୍ରତିଷ୍ଠିତ ଗାୟକମାନଙ୍କର ୧୫୦ରୁ ଅଧିକ ପାଲା ଅଭିନୟ ଆଜି ରେକର୍ଡିଂ କରିବା ସମ୍ଭବ ହୋଇଛି । ଯଦି ଆପଣଙ୍କର ସହାୟତା ମିଳିନଥାନ୍ତା ହୁଏତ ହରି ନାଥ, ନିରଞ୍ଜନ କର, ବୈଷ୍ଣବ ପ୍ରଧାନଙ୍କ ପରି ଅନେକ ବିଖ୍ୟାତ ଗାୟକଙ୍କର ପାଲା ଆଜି ଏକବିଂଶ ଶତାବ୍ଦୀରେ ବି ରେକର୍ଡିଂ ହୋଇପାରିନଥାନ୍ତା । ବୟସାଧିକ ଯୋଗୁଁ ଯେଉଁ ବିଶିଷ୍ଟ ଗାୟକମାନେ ପାଲା ଗାଇବାକୁ ଅକ୍ଷମ, ସେମାନଙ୍କର ଜୀବନୀ ପ୍ରସ୍ତୁତ କରିବାରେ ମଧ୍୍ୟ ଆଜି ଶ୍ରୀ ଜଗନ୍ନାଥ ପାଲା ଗବେଷଣା ପ୍ରତିଷ୍ଠାନ ସକ୍ଷମ ହୋଇପାରିଛି, କେବଳ ଆପଣଙ୍କ ସହାୟତା ପାଇଁ । ଆପଣ କେବଳ ଜଣେ ଦାନବୀର ନୁହଁନ୍ତି, ଜଣେ ସଂସ୍କୃତିପ୍ରେମୀ ମଧ୍ଯ, ବିଶେଷ କରି ପାଲା ପ୍ରତି ଆପଣଙ୍କର ଶ୍ରଦ୍ଧା ଓ ଭଲପାଇବା ଆଶ୍ଚର୍ଯ୍ୟ କରେ । ଆଜି ମଧ୍ଯ ଓଡ଼ିଶା ଆସିଲେ ଆପଣ ପାଲା ହେଉଥିବାର ସୂଚନା ପାଇବା ମାତ୍ରେ ମଂଚ ନିକଟରେ ପହଞ୍ଚିଯାଆନ୍ତି, ଯାହା ହଜାର ହଜାର ପାଲା କଳାକାରଙ୍କୁ ଉତ୍ସାହିତ କରେ ।
ପାଲା ଜଗତ ପ୍ରତି ଆପଣଙ୍କର ଅବଦାନ ଯୁଗ ଯୁଗ ପାଇଁ ସ୍ବର୍ଣ୍ଣାକ୍ଷରରେ ଲିପିବଦ୍ଧ ହୋଇ ରହିବ । ଏହି ବିଦଗ୍ଧ କଳା ପ୍ରତି ଆପଣଙ୍କର ଭଲ ପାଇବା ଏମିତି ରହିଥିବ ବୋଲି ଶ୍ରୀ ଜଗନ୍ନାଥ ପାଲା ଗବେଷଣା ପ୍ରତିଷ୍ଠାନ ଆଶା ଓ ବିଶ୍ବାସ ରଖିଛି ।
ଶ୍ରୀଜଗନ୍ନାଥ ପାଲା ଗବେଷଣା ପ୍ରତିଷ୍ଠାନର ପ୍ରଥମ ବାର୍ଷିକ ଉତ୍ସବକୁ ଶ୍ରୀଯୁକ୍ତ ଶ୍ରଦ୍ଧାନନ୍ଦ ମିଶ୍ରଙ୍କୁ ସ୍ବାଗତ କରାଯାଉଛି ।
ଶ୍ରୀଯୁକ୍ତ ଶ୍ରଦ୍ଧାନନ୍ଦ ମିଶ୍ରଙ୍କ ସହାୟତା ଯୋଗୁଁ ପ୍ରଥମ ଥର ପାଇଁ ଭୁବନେଶ୍ବର ଭଞ୍ଜ କଳାମଣ୍ଡପରେ ପାଲା ମହୋତ୍ସବର ଆୟୋଜନ ହୋଇପାରିଥିଲା ।
ଶ୍ରୀ ଜଗନ୍ନାଥ ପାଲା ଗବେଷଣା ପ୍ରତିଷ୍ଠାନ ପକ୍ଷରୁ ଆୟୋଜିତ ପାଲା ସମ୍ମେଳନରେ ଉଦବୋଧନ ଦେଉଛନ୍ତି ଶ୍ରୀଯୁକ୍ତ ଶ୍ରଦ୍ଧାନନ୍ଦ ମିଶ୍ର ।
